lgn.is - 07.06.2012 Dálkar í Lyfjaverđskrá, ósk um athugasemdir.
Hafđu samband

LYFJAGREIÐSLUNEFND

Vínlandsleið 14, 113 Reykjavík

Sími 553 9000

Netfang: verd@lgn.is


Guðrún I. Gylfadóttir

Formaður

Beinn sími 553 9050

GSM 868 3816

Netfang: gudrun@lgn.is

 

Sveinbjörn Högnason

Beinn sími 553 9009

Netfang: sh@lgn.is

 

Guðrún Oddsdóttir

Beinn sími 553 9010
Netfang: gudrunodds@lgn.is

 

Birna Guðlaugsdóttir

Beinn sími 553 9026

Netfang: birnag@lgn.is

 

07.06.2012 Dálkar í Lyfjaverđskrá, ósk um athugasemdir.
07.06.2012 - 07.06.2012 Dálkar í Lyfjaverđskrá, ósk um athugasemdir.

Í framhaldi af ábendingum til nefndarinnar er fyrirhugað að tæma þrjá dálka sem innihalda upplýsingar sem eru taldar úreltar. Ætlunin er að nota dálkana til að birta nýjar upplýsingar.

Dálkarnir sem fyrirhugað er að tæma eru „Geymsluþol“, „Geymsluskilyrði“ og “Leiðbeiningar“. Eftir því sem nefndin kemst næst er ekki lengur þörf á að birta þessar upplýsingar né er neinn að nota þær við ákvarðanatöku. Ekki hefur verið skráð í þessa dálka undanfarna mánuði, nema fyrir lyf sem hafa fyrirliggjandi upplýsingar í lyfjaverðskránni.

1. Í dálkinum „Geymsluþol“ eru upplýsingar um hámarksgeymsluþol pakkningar í árum, en fram kemur á pakkningunni sjálfri dagsetning, hvenær pakkning rennur út.

2. Í dálkinum „Geymsluskilyrði“ eru tákn sem þýða „geymist í kæli“ o.s.frv. Nefndin skráir ekki alltaf upplýsingar í þennan dálk þar sem upplýsingarnar koma ekki fram í markaðsleyfinu. Bent hefur verið á að á pakkningu lyfsins komi  fram geymsluaðstæður.

 3. Í dálkinum“ Leiðbeiningar“ eru tákn fyrir upplýsingar sem prentast út á límmiðann sem apótek líma á pakkningu lyfsins. Upplýsingar eins og „Hristist“ o.s.frv. Bent hefur verið á að þessar upplýsingar komi fram á pakkningu lyfsins og/eða í fylgiseðli með lyfinu.

Aðilum er hér með gefin frestur til 15. júní að gera athugasemdir eða koma með andmæli varðandi brottfall upplýsinga í þessum þremur dálkum. Athugasemdir óskast sendar á verd@lgn.is

Fyrirhugað er að tómir dálkar birtist í lyfjaverðskrá 1. júlí 2012

 

Nefndin áformar að birta nýjar upplýsingar í dálkunum sem fyrirhugað er að tæma. Hugmyndir um nýjar upplýsingar eru hér að neðan. Aðilum er hér með gefin frestur til 10. júlí til að gera athugasemdir eða koma með ábendingu um það sem betur má fara.  Fyrirhugað er að nýjar upplýsingar birtist í lyfjaverðskrá 1. september 2012. Athugasemdir óskast sendar á verd@lgn.is

1. Dálkur sem heitir „Öryggisupplýsingar“.

Skv. ósk frá Lyfjastofnun um að setja í verðskrá dálk með merkingu sem væri leiðbeinandi til lækna og annarra heilbrigðisstarfsmanna um að viðkomandi lyf væri með sérstaka varúðartilkynningu / leiðbeiningar.

Kóði 0 þýddi „Engar sérstakar leiðbeiningar frá Lyfjastofnun."

Kóði 1 þýddi, „Á heimasíðu lyfjastofnunar eru sérstakar öryggisupplýsingar/leiðbeiningar“.

2. Dálkur sem heitir „Skömmtunarmöguleikar“.

Kóði 0 þýddi „Ekki leyft/hæft til skömmtunar“

Kóði 1 þýddi, „Má nota í skömmtun“

Kóði 3 þýddi, „Eingöngu til vélskömmtunar“

3. Sérstakan dálk sem sýnir stöðu lyfsins og heitir „Staða lyfs“.

Kóði 0 þýddi „Frumlyf“

Kóði 1 þýddi „Samheitalyf“

Kóði 2 þýddi „Samhliða innflutt frumlyf“

Kóði 3 þýddi „Samhliða innflutt samheitalyf“