Lyfjagreiðslunefnd hefur leitað álits Lyfjastofnunar á því hvort lyf í ATC-flokknum L04AA06, Cellcept og Myfenax LYFIS væru jafngild í þeim skilningi að þau geta verið saman í viðmiðunarverðflokki.

Það var álit Lyfjastofnunar að framangreind lyf séu jafngild í þeim skilningi að þau geti verið saman í viðmiðunarverðskrá Lyfjagreiðslunefndar.

Í ljósi þess að hér er um ónæmisbælandi lyf að ræða sem notuð eru í tengslum við líffæraígræðslu, er brýnt að læknar, sem hafa umsjón með ígræðslusjúklingum og ávísa lyfinu, fái upplýsingar um að lyfin sem hér um ræðir séu á viðmiðunarverðskrá.

Lyfjagreiðslunefnd hefur óskað eftir því að Apótek Landspítalans Háskólasjúkrahúss komi framgreindum upplýsingum á framfæri við alla hlutaðeigandi lækna.